ദൈവ പ്രസാദം ലഭിക്കുവാൻവേണ്ടി അനേകര്‍ പലതും

കാട്ടികൂട്ടുന്നുണ്ട്.അതില്‍ ഒന്നും ദൈവം പ്രസാദിക്കുന്നില്ലാ.

പ്രീയപ്പെട്ടവരെ.... ശരീരത്തെ ദണ്ഡിപ്പിച്ചും പ്രത്യേക സമയങ്ങളിൽ പ്രത്യേക ആചാരാനുഷ്ഠാനങ്ങൾ ചെയ്തും ഒക്കെ സ്വന്ത ബുദ്ധിയില്‍ ദൈവാനുഗ്രഹം നേടുവാൻ ശ്രമിക്കുന്നവരുണ്ട്.

എന്നാൽ.... സമയഭേദമെന്യേ കൃപാസനത്തിലേക്ക് അടുത്ത് വരുവാൻ ഉള്ള ശ്രേഷ്ഠ പദവിയാണ് യേശുവിന്‍റെ രക്തത്താൽ വീണ്ടെടുക്കപ്പെട്ട ദൈവമക്കൾക്കുള്ളത്.

കർത്താവിൽ നിന്ന് പ്രാപിക്കാതെ ഒന്നും കർത്താവിന് വേണ്ടി ചെയ്യുവാൻ കഴിയുകയില്ല എന്ന സത്യം മനസ്സിലാക്കുന്നതാണ് വിജയകരമായ ആത്മീക ജീവിതത്തിന്‍റെ പ്രധാന പടി.

“എന്നിൽ വസിച്ചിട്ടാല്ലാതെ നിങ്ങൾക്ക് ഒന്നും ചെയ്‌വാൻ കഴിയുകയില്ല” എന്ന് വളരെ വ്യക്തമായി യേശു കർത്താവ് പറഞ്ഞിട്ടുണ്ട് (യോഹന്നാൻ 15:4,5).