ലോകപ്രസിദ്ധനായ വൈദ്യന്‍. 
നിങ്ങള്‍ക്ക് ആ വൈദ്യനെ അറിയാമോ....?
ഞാന്‍ ഒന്ന് പരിചയപ്പെടുത്താം ..... ആവശ്യമുള്ളവര്‍ ആ വൈദ്യന്‍റെ അടുക്കലേക്കു ചെന്നാല്‍ മതിയാകും. പൂര്‍ണ്ണ സൌഖ്യം ലഭിക്കുമെന്ന് 100% ഉറപ്പ്.
ഇദ്ദേഹം ലോക പ്രസിദ്ധനായ വൈദ്യന്‍ ആണെങ്കിലും കാണുവാന്‍ ചെന്നാല്‍ സൌജന്യമായി ഉടന്‍തന്നെ പ്രവേശനം ലഭിക്കുന്നതാണ്. നമ്മുക്ക് എന്താണ് രോഗമെന്ന് പറയേണ്ട ആവശ്യമില്ലാ....നാഡികള്‍ പിടിച്ചു നോക്കേണ്ട കാര്യമില്ലാ..... രക്തം പരിശോദിച്ചു അതിന്‍റെ വിശദാംശത്തിനു വേണ്ടി കാത്തിരിക്കേണ്ട ആവശ്യമില്ല ....എന്തെന്നാല്‍ രോഗി അദ്ദേഹത്തിന്‍റെ അടുത്തേക്ക് ചെല്ലുമ്പോഴേ രോഗിയുടെ വേദന അദ്ദേഹത്തിനു നന്നായി മനസ്സിലാകും. വ്യാകുല മെഡിക്കല്‍ കോളേജില്‍ നിന്നും അദ്ദേഹം ബിരുദം പ്രാപിച്ചവനാണ്. ഏതു സമയത്തും എപ്പോള്‍ വേണമെങ്കിലും അദ്ദേഹത്തിന്‍റെ അടുത്ത് ചെല്ലാം. അസമയത്ത് ചെന്ന് ശല്യപ്പെടുത്തി എന്ന് പറഞ്ഞു ഒരിക്കലും ദേഷ്യപ്പെടില്ലാ.... അദ്ദേഹത്തിന്‍റെ ഫീസ്‌ ആയി കടുകുമണിയോളം വിശ്വാസം മതി. ചികിത്സയ്ക്ക് വിധേയമായാല്‍ സൌഖ്യം ഉറപ്പാണ്. നിബന്ധനകള്‍ പറഞ്ഞു ഒരിക്കലും നമ്മെ വിഷമിപ്പിക്കില്ലാ.... ഇദ്ദേഹത്തിന്‍റെ അടുത്ത് പഥ്യം ഇല്ലാ. ഇവിടെ മരുന്നുകളോ....കുത്തിവെപ്പോ ഇവിടുത്തെ മാലിന്യങ്ങളെ തുടച്ചു മാറ്റുന്ന സ്പിരിറ്റിന്‍റെ പേര് പരിശുദ്ധാത്മാവ് എന്നാണു. ഒരിക്കലും ഈ വൈദ്യന്‍ അവധി എടുത്തു മാറി നില്‍ക്കാറില്ലാ.... രാവും പകലും ഭയങ്കര തിരക്കാണീ വൈദ്യന്‍. ഇദ്ദേഹത്തിന്‍റെ വായില്‍ നിന്നും പുറപ്പെടുവിക്കുന്ന വാക്കുകള്‍ ആണ് ഗുളിക. ഇവിടെ രോഗികള്‍ ഒത്തിരി ഉണ്ട് എന്നാല്‍ ഈ വൈദ്യന്‍ ഒരിക്കലും മുഖത്തു മാസ്ക്ക് ധരിക്കാറില്ലാ, കയ്യില്‍ ഉറയും ധരിക്കാറില്ലാ. ഏതു മാരകരോഗം ആണെങ്കിലും തനിക്കു പേടിയില്ലാ..... രോഗിയുടെ സംശയമോ....പ്രതികരണങ്ങളോ കേട്ട് കോപിക്കാറില്ലാ..... ഏതു സംശയത്തിനും ഇദ്ദേഹം വളരെ സാമാധാനത്തോടെ മറുപടി നല്‍കും. ഈ ലോകത്തില്‍ എല്ലാവരെയും ഒരുപോലെ മനസ്സിലാക്കുന്ന ഈ വൈധ്യനെപ്പോലെ വേറെ ഒരുത്തരും ഉണ്ടാകില്ലാ....ഇനിമേല്‍ ഉണ്ടാകുകയും ഇല്ലാ. രോഗിയുടെ രോഗത്തിന്‍റെ അവസ്ഥ അറിയുവാന്‍ x'ray യോ സ്കാന്‍ റിപ്പോര്‍ട്ടോ ആവശ്യമില്ലാ....ഈ കൈപ്പുണ്യമുള്ള വൈദ്യന്‍ ആരെന്നു നിങ്ങള്‍ക്ക് അറിയേണ്ടേ.....?
അതാണ്‌ എന്‍റെ യേശുക്രിസ്തു.
സകലത്തിനും മതിയായവന്‍.
No comments:
Post a Comment