കൊറിയക്കാരി ആയ ഒരു ക്രിസ്തീയ വനിത നരകം സന്ദര്‍ശിക്കുന്നതായി ഒരു ദര്‍ശനം കണ്ടു . നരകത്തിലേക്ക് നോക്കിനില്‍ക്കുമ്പോള്‍ തന്‍റെ അമ്മ അവിടെ കത്തയെരിയുന്നത് കണ്ടു... അവള്‍ ഞെട്ടിപ്പോയി .നരകാഗ്നിയില്‍ നിന്ന് തന്നെ രക്ഷിക്കുകയോ....ജ്വലിക്കുന്ന തീയുടെ ചൂടില്‍ നിന്ന്തന്നെ വിടുവിക്കുകയോ ചെയ്യണമെന്നു നരകത്തിനു പുറത്തു നില്‍ക്കുന്ന മകളോട് ദയനീയ സ്വരത്തില്‍ ആ അമ്മ അപേക്ഷിച്ചു...... എന്നാല്‍ നരകത്തില്‍ അകപ്പെട്ട ഒരു വ്യക്തിയേയും ഒരിക്കലും പുറത്തുകൊണ്ടുവരാനാവില്ലെന്ന സത്യം ആ മകള്‍ക്ക് അറിയാമായിരുന്നു.....അവള്‍ കരയുവാന്‍ തുടങ്ങി...തന്‍റെ അമ്മയുടെ കരച്ചില്‍ അവളുടെ കാതുകളില്‍ മുഴങ്ങിക്കൊണ്ടേയിരുന്നു.....

ആ ദര്‍ശനം ആ ക്രിസ്തീയ വനിതയെ പിടിച്ചുകുലുക്കി. തന്‍റെ അമ്മ അനുഭവിക്കുന്നത് പോലെയുള്ള കഷ്ടത്തില്‍ ആരും അകപ്പെട്ടു പോകാതിരിക്കുവാന്‍ തന്നാല്‍ ആവുന്നത് അവള്‍ ചെയ്യുമെന്ന് തീരുമാനം എടുത്തു.

ദൈവകൃപയാല്‍ അവള്‍ കര്‍ത്താവിനു വേണ്ടി അനേകരെ നേടി എടുത്തു . പാപത്തിന്‍റെ കുഴിയില്‍ കിടന്ന അനേകരെ അവള്‍ രക്ഷയുടെ മാര്‍ഗ്ഗത്തിലേക്ക് കൊണ്ടുവന്നു. ആദ്യം തന്‍റെ ഭര്‍ത്താവിനെയും മക്കളെയും പിന്നീട് മറ്റു അനെകരെയും രക്ഷയിലേക്കു നയിച്ചു.

പ്രീയമുള്ളവരെ....നശിച്ചുകൊണ്ടിരിക്കുന്ന നിങ്ങളുടെ പ്രീയപ്പെട്ടവരോട്...... കൂട്ടുകാരോട്..... നിങ്ങള്‍ക്ക് ചുറ്റുമുള്ളവരോട്..... നിങ്ങള്ക്ക് മനസ്സലിവു തോന്നുന്നുവോ......? അവര്‍ കത്തുന്ന തീയില്‍ കിടന്നു നിത്യതമുഴുവന്‍ കഷ്ടപ്പെടുവാന്‍ പോകുന്നു എന്ന് നിങ്ങള്‍ മനസ്സിലാക്കുന്നുണ്ടോ.....?നശിച്ചുകൊണ്ടിരിക്കുന്ന ജനങ്ങളെ രക്ഷിക്കുവാന്‍ വീണ്ടും ജനിച്ച ഓരോ ക്രിസ്ത്യനിക്കും ഉത്തരവാദിത്വം ഉണ്ട് എന്ന് ഓര്‍ക്കുന്നത് നല്ലതായിരിക്കും.

നശിച്ചുകൊണ്ടിരിക്കുന്ന ജനത്തെ രക്ഷയിലേക്കു നയിക്കുവാന്‍ ദൈവം നിങ്ങളെ എടുത്തു ഉപയോഗിക്കട്ടെ...... നിങ്ങള്‍ ഓരോരുത്തരും ഓരോ മിഷിനറിമാരായി തീരട്ടേ.....എന്നാശംസിക്കുന്നു..... 

സ്നേഹത്തോടെ
സുമാ സജി