എന്‍റെ കണ്ണുനീർ നിന്‍റെ തുരുത്തിയിൽ ആക്കിവെക്കേണമേ.... സങ്കീര്‍ത്തനം56:8

പ്രീയ സഹോദരാ.....സഹോദരീ.....നിന്‍റെ കണ്ണുനീര്‍ ഒരിക്കലും വൃഥാവല്ലാ. നീ എന്തിനു വേണ്ടി കരഞ്ഞുവോ.....അത് കര്‍ത്താവ്‌ കണക്കിട്ടിട്ടുണ്ട് . കണ്ണുനീര്‍ ശേഖരിച്ചു ദൈവസന്നിധിയില്‍ സൂക്ഷിക്കുന്ന ഒരു തുരുത്തി നമ്മുടെ ദൈവത്തിനുണ്ട്. 

എപ്രകാരം ഉള്ള കണ്ണുനീരാണ് ദൈവം തന്‍റെ തുരുത്തിയില്‍ ശേഖരിക്കുന്നത് എന്ന് കൂടി നാം അറിഞ്ഞിരിക്കണം. കരയുന്ന എല്ലാവരുടെയും കണ്ണുനീര്‍ ദൈവം തന്‍റെ തുരുത്തിയില്‍ ശേഖരിക്കപ്പെടണം എന്നില്ലാ.....

ലോകപ്രകാരം ജീവിക്കുന്നവര്‍ തങ്ങളുടെ സമ്പത്തും പ്രശസ്തിയും നഷ്ടപ്പെടുമ്പോള്‍ കണ്ണുനീരോഴുക്കുന്നു.....ഇവദൈവസന്നിധിയില്‍ എത്തുകയില്ലാ..... ദൈവ നാമമഹത്വത്തിനല്ലാത്ത ഒരു കണ്ണുനീരും ദൈവം കണക്കിടില്ലാ.....

നിങ്ങളുടെ കണ്ണുനീര്‍ ഭൌതീക കാര്യങ്ങള്‍ക്കായി ഒഴുക്കി കളയരുതേ......ഭൌമീകകാര്യങ്ങല്‍ക്കായി നിങ്ങള്‍ കണ്ണുനീര്‍ ഒഴുക്കി അത് പ്രാപിചെടുത്താലും നിങ്ങള്‍ മരിക്കുമ്പോള്‍ അതെല്ലാം ഈ ഭുമിയില്‍ ഇട്ടിട്ടു പോകേണ്ടി വരും . നിങ്ങള്‍ക്ക് ഈ ഭുമിയില്‍ നിന്നും ഒന്നും കൊണ്ടുപോകുവാന്‍ സാധിക്കില്ലാ. എന്നാല്‍ ആത്മീക കാര്യങ്ങള്‍ക്ക് വേണ്ടി നിങ്ങള്‍ കണ്ണുനീര്‍ ഒഴുക്കിയാല്‍ സ്വര്‍ഗ്ഗത്തില്‍ അതൊരു നിക്ഷേപം ആയിരിക്കും. അതുകൊണ്ട് ഭൌതീക കാര്യങ്ങള്‍ക്ക് വേണ്ടി കണ്ണുനീര്‍ ഒഴുക്കി നിങ്ങളുടെ കണ്ണുനീര്‍ തുരുത്തി ഒഴിഞ്ഞിരിക്കുന്നത് കാണുവാന്‍ ഇടവരുത്തരുത്. നിങ്ങള്ക്ക് സ്വര്‍ഗ്ഗത്തില്‍ ലഭിക്കാവുന്ന ദൈവീക അനുഗ്രഹങ്ങള്‍ നഷ്ടമാക്കരുതെ......

നിങ്ങള്ക്ക് കിട്ടുന്ന അവസരങ്ങളില്‍ ലോകത്തിലെ നന്മക്കുവേണ്ടി കരഞ്ഞു സമയം കളയാതെ .... ദൈവസന്നിധിയില്‍ നമ്മുടെ പാപങ്ങളെ ഓര്‍ത്തും നശിച്ചു പോയിക്കൊണ്ടിരിക്കുന്ന നമ്മുടെ തലമുറകളെ ഓര്‍ത്തും എത്രത്തോളം കണ്ണുനീര്‍ ഒഴുക്കുന്നുവോ......അത്രത്തോളം നാം ദൈവത്താല്‍ പണിയപ്പെടും. ഇങ്ങനെയുള്ള കണ്ണുനീരെല്ലാം ദൈവത്തിന്‍റെ തുരുത്തിയില്‍ ശേഖരിക്കപ്പെടും ആ കന്നുനീരിനെല്ലാം വിലമതിക്കാനാകാത്ത പ്രതിഫലവും ദൈവം നമ്മുക്ക് നല്‍കും. 

അതുകൊണ്ട് ഇന്നുമുതല്‍ എങ്കിലും നാം ഓരോരുത്തരും നശിച്ചുപോകുന്ന ഓരോ ആത്മാക്കള്‍ക്ക് വേണ്ടിയും കണ്ണുനീരോടെ പ്രാര്‍ത്തിക്കുവാന്‍ തയ്യാര്‍ ആകണം . ഒരു ആത്മാവ് പോലും നഷ്ടമായി പോകരുത്. 

ദൈവം നിങ്ങളെ ഓരോരുത്തരെയും അനുഗ്രഹിക്കട്ടെ.......

സ്നേഹത്തോടെ 
സുമാ സജി.