നീ ഈ വഷളത്വം വിട്ടു മാനസാന്തരപ്പെട്ടു കർത്താവിനോടു പ്രാർത്ഥിക്ക; പക്ഷെ നിന്‍റെ ഹൃദയത്തിലെ നിരൂപണം ക്ഷമിച്ചുകിട്ടുമായിരിക്കും. അപ്പോസ്തോല പ്രവൃത്തികള്‍ 8:22. 

ഇതു അപ്പോസ്തോലനായ പൗലോസ്‌ ശീമോനോട് പറയുന്നതാണ്. പരിശുദ്ധത്മാവിനായി ശീമോന്‍ആഗ്രഹിച്ചു അത് എന്തിനെന്നു വചനം പറയുന്നത് ഒന്ന് ശ്രദ്ധിക്കൂ..... ...അപ്പൊസ്തലന്മാർ കൈ വെച്ചതിനാൽ പരിശുദ്ധാത്മാവു ലഭിച്ചതു ശിമോൻ കണ്ടാറെ അവർക്കു ദ്രവ്യം കൊണ്ടു വന്നു:

ഞാൻ ഒരുത്തന്‍റെ മേൽ കൈ വെച്ചാൽ അവന്നു പരിശുദ്ധാത്മാവു ലഭിപ്പാൻ തക്കവണ്ണം ഈ അധികാരം എനിക്കും തരേണം എന്നു പറഞ്ഞു. ഈ ദുരുദ്ധേശത്തെ ആണ് ''വഷളത്വം '' എന്ന് പത്രോസ് പറഞ്ഞത്.

ഇന്നും ഇതേ ചിന്തയോടെ ദൈവ വചനവുമായി അനേകര്‍ ഇറങ്ങിയിട്ടില്ലേ.... ദൈവം ദാനമായി കൊടുത്ത വരങ്ങള്‍എടുത്തു പേരും പ്രശസ്തിയും പണവും ഉണ്ടാക്കുന്നില്ലേ.... ദൈവ വചനവുമായി ഉപജീവനത്തിന് വേണ്ടി ഇറങ്ങി തിരിക്കല്ലേ...... ദൈവം നമ്മുടെ സകല ചിന്തകളെയും ന്യായം വിധിക്കും. നമ്മള്‍ചിന്തിക്കുന്ന എല്ലാ ചിന്തകള്‍ക്കും നാം ദൈവ മുന്‍പാകെ കണക്കു ബോധിപ്പിക്കേണ്ടതായിട്ടുണ്ട്. കര്‍ത്താവ്‌ പറയുന്നു.... ഞാൻ ഉൾപൂവുകളെയും ഹൃദയങ്ങളെയും ആരായുന്നവൻ , നിങ്ങളുടെ പ്രവൃത്തിക്കു തക്കവണ്ണം ഞാൻ നിങ്ങൾക്കു ഏവർക്കും പകരം ചെയ്യും. അതുകൊണ്ട് നമ്മുടെ ഓരോ ചിന്തകളും ദൈവത്തിനു പ്രസാധാകരമായിത്തീരുവാന്‍തക്കതായിരിക്കണം. വിശുദ്ധീകരിക്കപ്പെടാത്ത ചിന്തകള്‍നമ്മുടെ മനസ്സില്‍ വരുമ്പോള്‍ദൈവകൃപയാല്‍ അതിനെ തള്ളിക്കളയണം.ദൈവഹിതം അല്ലാത്ത ചിന്തകള്‍ നിങ്ങളുടെ ഹൃദയത്തില്‍വരുമ്പോള്‍ അതിനെതിരായി ദൈവകൃപയാല്‍ പോരാടി ജയിക്കണം. ദുശ്ചിന്തകള്‍ക്ക് നിങ്ങളുടെ ഹൃദയത്തില്‍അല്പം പോലും ഇടം കൊടുക്കരുത്.ക്രിസ്തുവിന്‍റെ നല്ലഭടനായിരിപ്പാന്‍ ആണ് നമ്മേ വിളിച്ചിരിക്കുന്നത് എന്നബോധം നമ്മുക്ക് ഇപ്പോഴും ഉണ്ടായിരിക്കണം. നിത്യജീവന്‍പ്രാപിക്കേണമെങ്കില്‍ പാപം, അധികാരമോഹം, വാഴ്ചകള്‍ഇതിനെയെല്ലാം വിട്ടു നല്ലപോരാട്ടം പോരാടി പോര്‍ക്കളത്തില്‍മുറിവേല്‍ക്കാതിരിക്കുവാന്‍ നമ്മുക്ക് ജാഗ്രതയുള്ളവരായിരിക്കാം .
സ്നേഹത്തോടെ.....👩
സുമാസജി.