😀 സ്വര്‍ഗ്ഗവും നരകവും
~~~~~~~~~~~~~~~~~~~~~~~🌹

😛ഇന്നു പലവിരുതന്മാര്‍ പറയാറുണ്ട്‌ സ്വര്‍ഗ്ഗവും നരകവും ഒന്നും ഇല്ലെന്നും .....സ്വര്‍ഗ്ഗം ഈ ഭൂമിയാണ്‌ എന്നുമൊക്കെ......

😀എന്നാല്‍ ദൈവവും സാത്താനും യാഥാര്‍ത്ഥ്യം ആയിരിക്കുന്നപോലെ തന്നെ സ്വര്‍ഗ്ഗവും നരകവും യാഥാര്‍ത്ഥ്യം തന്നെയാണ്. മരണാനന്തരം ദൈവമക്കള്‍സ്വര്‍ഗ്ഗത്തിലേക്കാണ് പോകുന്നത് . എന്നാല്‍പിശാചിന്‍റെ കൂട്ടര്‍ (രക്ഷിക്കപ്പെടാത്തവര്‍) താല്‍ക്കാലിക തടവറയായ യാതനാസ്ഥലത്തായിരിക്കും എത്തിപ്പെടുക . ഈ കൂട്ടര്‍ അന്ത്യ ന്യായവിധിക്കുശേഷം എന്നന്നേക്കുമായി തീപ്പോയികയിലേക്ക് തള്ളും.

😀ഇവിടെ പലതരത്തില്‍ ഉള്ള തടവറകള്‍ഉണ്ട്. 

1 അന്ധതമസ്സ് (Darkness)
2. നരകം(Hell)
3.അഗാധകൂപം ( Bottomless Pit)
4. തീപ്പോയിക ( Lake of Fire )

🤔 1 അന്ധതമസ്സ് (Darkness) : പാപം ചെയിത ദൂതന്മാരെ അന്ധതമസ്സിന്‍റെ ചങ്ങലയിട്ടു സൂക്ഷിച്ചിരിക്കയാണ് എന്ന് പത്രോസ് പറയുന്നു....

2പത്രോസ്2:4 പാപംചെയ്ത ദൂതന്മാരെ ദൈവം ആദരിക്കാതെ അന്ധതമസ്സിന്റെ ചങ്ങലയിട്ടു നരകത്തിലാക്കി ന്യായവിധിക്കായി കാപ്പാൻ ഏല്പിച്ചിരിക്കുന്നു. 

🤔 2. നരകം(Hell) : രക്ഷിക്കപ്പെടാത്തവര്‍മരണശേഷം ചെന്നെത്തുന്ന യാതനാസ്ഥലം ആണിത് .ധനവാന്‍ മരണാനന്തരം യാതനാസ്ഥലത്ത് പോയാതായി വചനത്തില്‍ കാണുന്നു....( ലൂക്കോസ് 16:23 ധനവാനും മരിച്ചു അടക്കപ്പെട്ടു; പാതാളത്തിൽ യാതന അനുഭവിക്കുമ്പോൾ ....)

വെളിപ്പാട് പുസ്തകം 20:12 മുതല്‍ 15 വരെ വായിക്കുമ്പോള്‍ ഇങ്ങനെ പറയുന്നു..... "മരിച്ചവർ ആബാലവൃദ്ധം സിംഹാസനത്തിൻ മുമ്പിൽ നില്ക്കുന്നതും കണ്ടു; പുസ്തകങ്ങൾ തുറന്നു; ജീവന്റെ പുസ്തകം എന്ന മറ്റൊരു പുസ്തകവും തുറന്നു; പുസ്തകങ്ങളിൽ എഴുതിയിരുന്നതിന്നു ഒത്തവണ്ണം മരിച്ചവർക്കു അവരുടെ പ്രവൃത്തികൾക്കടുത്ത ന്യായവിധി ഉണ്ടായി. സമുദ്രം തന്നിലുള്ള മരിച്ചവരെ ഏല്പിച്ചുകൊടുത്തു; മരണവും പാതാളവും തങ്ങളിലുള്ള മരിച്ചവരെ ഏല്പിച്ചുകൊടുത്തു; ഓരോരുത്തന്നു അവനവന്റെ പ്രവൃത്തികൾക്കടുത്ത വിധി ഉണ്ടായി. 
മരണത്തെയും പാതാളത്തെയും തീപ്പൊയ്കയിൽ തള്ളിയിട്ടു; ഈ തീപ്പൊയ്ക രണ്ടാമത്തെ മരണം. 
ജീവപുസ്തകത്തിൽ പേരെഴുതിക്കാണാത്ത ഏവനെയും തീപ്പൊയ്കയിൽ തള്ളിയിടും

🤔 3.അഗാധകൂപം ( Bottomless Pit) : ദുരാത്മാക്കള്‍ , ദുര്‍ഭൂതങ്ങള്‍,സാത്താന്യദുഷ്ട ശക്തിയിലുള്ള ദൂതന്മാര്‍ എന്നിവരുടെ തടവറയാണിത്‌.പിശാചും സാത്താനും എന്നുള്ള പഴയ പാമ്പായ മഹാസര്‍പ്പത്തെ ആയിരം ആണ്ടേക്ക് ബന്ധിച്ചിടുന്നത് ഇവിടെ ആണ്.

വെളിപ്പാട് പുസ്തകം20: 1-3. അനന്തരം ഒരു ദൂതൻ അഗാധത്തിന്റെ താക്കോലും ഒരു വലിയ ചങ്ങലയും കയ്യിൽ പിടിച്ചുകൊണ്ടു സ്വർഗ്ഗത്തിൽ നിന്നു ഇറങ്ങുന്നതു ഞാൻ കണ്ടു. 
അവൻ പിശാചും സാത്താനും എന്നുള്ള പഴയ പാമ്പായ മഹാസർപ്പത്തെ പിടിച്ചു ആയിരം ആണ്ടേക്കു ചങ്ങലയിട്ടു. ആയിരം ആണ്ടു കഴിയുവോളം ജാതികളെ വഞ്ചിക്കാതിരിപ്പാൻ അവനെ അഗാധത്തിൽ തള്ളിയിട്ടു അടെച്ചുപൂട്ടുകയും മീതെ മുദ്രയിടുകയും ചെയ്തു.

🤔 4. തീപ്പോയിക ( Lake of Fire ) : രക്ഷിക്കപ്പെടാത്ത പാപികള്‍ ,സാത്താനും അവന്‍റെ ശുശ്രൂഷകരും ആയ ദുഷ്ടാത്മശക്തികള്‍ ,ഭൂതങ്ങള്‍ ,ദുരാത്മാക്കള്‍,ദുഷ്ടദൂതന്മാര്‍ എന്നിങ്ങനെ സകലരെയും തള്ളിയിടുന്ന സ്ഥലമാണ് തീപ്പോയിക .

മത്തായി 5:22 സഹോദരനോടു കോപിക്കുന്നവൻ എല്ലാം ന്യായവിധിക്കു യോഗ്യനാകും: സഹോദരനോടു നിസ്സാര എന്നു പറഞ്ഞാലോ ന്യായാധിപസഭയുടെ മുമ്പിൽ നിൽക്കേണ്ടി വരും; മൂഢാ എന്നു പറഞ്ഞാലോ അഗ്നിനരകത്തിനു യോഗ്യനാകും. 

മത്തായി 5:29,30 എന്നാൽ വലങ്കണ്ണു നിനക്കു ഇടർച്ചവരുത്തുന്നു എങ്കിൽ അതിനെ ചൂന്നെടുത്തു എറിഞ്ഞുകളക; നിന്റെ ശരീരം മുഴുവനും നരകത്തിൽ വീഴുന്നതിനെക്കാൾ നിന്റെ അവയവങ്ങളിൽ ഒന്നു നശിക്കുന്നതു നിനക്കു പ്രയോജനമത്രേ. വലങ്കൈ നിനക്കു ഇടർച്ചവരുത്തുന്നു എങ്കിൽ അതിനെ വെട്ടി എറിഞ്ഞുകളക; നിന്റെ ശരീരം മുഴുവനും നരകത്തിൽ പോകുന്നതിനെക്കാൾ അവയവങ്ങളിൽ ഒന്നു നശിക്കുന്നതു നിനക്കു പ്രയോജനമത്രേ. 

മത്തായി 10:28 ദേഹിയെ കൊല്ലുവാൻ കഴിയാതെ ദേഹത്തെ കൊല്ലുന്നവരെ ഭയപ്പെടേണ്ടാ; ദേഹിയെയും ദേഹത്തെയും നരകത്തിൽ നശിപ്പിപ്പാൻ കഴിയുന്നവനെ തന്നേ ഭയപ്പെടുവിൻ.

😀 ദൈവമക്കളുടെ വാസസ്ഥലം 

1.പറുദീസാ ( paradise)

2. കര്‍ത്താവിനോടൊപ്പം ( with the Lord )

3. പുതിയ ആകാശം പുതിയ ഭൂമി ( New Heavens and Earth)

😀 1.പറുദീസാ ( paradise) : ദൈവത്തെ അന്വഷിക്കുകയും ദൈവകൃപ പ്രാപിച്ചവരുമായ നീതിമാന്മാരായവരുടെ വാസസ്ഥലമാണിത്. ദരിദ്രനായ ലാസര്‍ മരണാനന്തരം ഇവിടെ ആണ് എത്തിയത് , കര്‍ത്താവ്‌ രാജത്വം പ്രാപിച്ചു വരുമ്പോള്‍ തന്നെ ഓര്‍ക്കേണമേ എന്ന് അപേക്ഷിച്ച ദുഷ്പ്രവൃത്തിക്കാരന് കര്‍ത്താവ്‌ വാഗ്ദത്തം നല്കിയതും ഈ പറുദീസാ ആയിരുന്നു.... പറുദീസാ ആശ്വസത്തിന്റെയും സന്തോഷത്തിന്റെയും വിശ്രമത്തിന്റെയും സ്ഥലമാണ് 

ലൂക്കോസ്23:43 യേശുവേ, നീ രാജത്വം പ്രാപിച്ചു വരുമ്പോൾ എന്നെ ഓർത്തുകൊള്ളേണമേ എന്നു പറഞ്ഞു. യേശു അവനോടു: “ഇന്നു നീ എന്നോടുകൂടെ പറുദീസയിൽ ഇരിക്കും എന്നു ഞാൻ സത്യമായി നിന്നോടു പറയുന്നു” എന്നു പറഞ്ഞു

😀 2. കര്‍ത്താവിനോടൊപ്പം ( with the Lord ) : സഭായുഗത്തിലെ രക്ഷിക്കപ്പെട്ട സകലരും മരണാനന്തരം ആയിരിക്കുന്നത് കര്‍ത്താവിനോടോപ്പമാണ് 

1തെസ്സലൊനീക്യർ 4:16,17കർത്താവു താൻ ഗംഭീരനാദത്തോടും പ്രധാനദൂതന്റെ ശബ്ദത്തോടും ദൈവത്തിന്റെ കാഹളത്തോടുംകൂടെ സ്വർഗ്ഗത്തിൽനിന്നു ഇറങ്ങിവരികയും ക്രിസ്തുവിൽ മരിച്ചവർ മുമ്പെ ഉയിർത്തെഴുന്നേൽക്കയും ചെയ്യും. 
പിന്നെ ജീവനോടെ ശേഷിക്കുന്ന നാം അവരോടു ഒരുമിച്ചു ആകാശത്തിൽ കർത്താവിനെ എതിരേല്പാൻ മേഘങ്ങളിൽ എടുക്കപ്പെടും; ഇങ്ങനെ നാം എപ്പോഴും കർത്താവിനോടുകൂടെ ഇരിക്കും.

😀 3. പുതിയ ആകാശം പുതിയ ഭൂമി ( New Heavens and Earth): ദൈവത്തോട് ഒപ്പം നിത്യം വസിക്കുന്ന സ്ഥലം . ന്യായവിധി, നിത്യദണഢനം എന്നിവയ്ക്ക് ശേഷം പുതിയ ആകാശം ,പുതിയഭൂമി , പുതിയ യെരുശലേം എന്നിവ സ്ഥാപിക്കപ്പെടുന്നു.

വെളിപ്പാട് പുസ്തകം21:1-5 ഞാൻ പുതിയ ആകാശവും പുതിയ ഭൂമിയും കണ്ടു; ഒന്നാമത്തെ ആകാശവും ഒന്നാമത്തെ ഭൂമിയും ഒഴിഞ്ഞുപോയി; സമുദ്രവും ഇനി ഇല്ല. പുതിയ യെരൂശലേം എന്ന വിശുദ്ധനഗരം ഭർത്താവിന്നായി അലങ്കരിച്ചിട്ടുള്ള മണവാട്ടിയെപ്പോലെ ഒരുങ്ങി സ്വർഗ്ഗത്തിൽനിന്നു, ദൈവസന്നിധിയിൽനിന്നു തന്നേ, ഇറങ്ങുന്നതും ഞാൻ കണ്ടു. സിംഹാസനത്തിൽനിന്നു ഒരു മഹാശബ്ദം പറയുന്നതായി ഞാൻ കേട്ടതു: ഇതാ, മനുഷ്യരോടു കൂടെ ദൈവത്തിന്റെ കൂടാരം; അവൻ അവരോടുകൂടെ വസിക്കും; അവർ അവന്റെ ജനമായിരിക്കും; ദൈവം താൻ അവരുടെ ദൈവമായി അവരോടുകൂടെ ഇരിക്കും. 
അവൻ അവരുടെ കണ്ണിൽ നിന്നു കണ്ണുനീർ എല്ലാം തുടെച്ചുകളയും. 
ഇനി മരണം ഉണ്ടാകയില്ല; ദുഃഖവും മുറവിളിയും കഷ്ടതയും ഇനി ഉണ്ടാകയില്ല; ഒന്നാമത്തേതു കഴിഞ്ഞുപോയി; സിംഹാസനത്തിൽ ഇരിക്കുന്നവൻ: ഇതാ, ഞാൻ സകലവും പുതുതാക്കുന്നു എന്നു അരുളിച്ചെയ്തു. എഴുതുക, ഈ വചനം വിശ്വാസയോഗ്യവും സത്യവും ആകുന്നു എന്നും അവൻ കല്പിച്ചു. 

ഈ തിരിച്ചറിവ് ഉള്ളവര്‍ക്കേ..... സ്വര്‍ഗ്ഗവും നരകവും എന്താണെന്ന് മനസ്സിലാകൂ....അല്ലാത്തവര്‍ ഇതൊക്കെ ഒരു സങ്കല്പ്പമായി കാണും. പക്ഷെ ദൈവച്ചനാടിസ്ഥാനത്തില്‍ ഇതൊരു യാഥാര്‍ത്ഥ്യം തന്നെയാണ്. ദൈവവചനത്തിന്റെ ഒരു വള്ളിയോ പുള്ളിയോ മാറുകയില്ലാകയില്ലാ... വിശ്വസിക്കുന്നവര്‍ക്കു ഇതൊരു അനുഗ്രഹം ആയി തീരും. അല്ലാത്തവര്‍ക്ക് അയ്യോ ....കഷ്ടം. 

എല്ലാവര്‍ക്കും ദൈവം സന്തോഷവും സമാധാനവും തന്നു അനുഗ്രഹിക്കട്ടെ.....എന്ന് പ്രാര്‍ഥിക്കുന്നു.....

സ്നേഹത്തോടെ 
സുമാ സജി .