😃 ഓട്ടക്കളത്തിൽ ഓടുന്നവർ എല്ലാവരും ഓടുന്നു എങ്കിലും ഒരുവനേ വിരുതു പ്രാപിക്കുന്നുള്ളു എന്നു അറിയുന്നില്ലയോ? നിങ്ങളും പ്രാപിപ്പാന്തക്കവണ്ണം ഓടുവിൻ.
😃 അങ്കം പൊരുന്നവൻ ഒക്കെയും സകലത്തിലും വർജ്ജനം ആചരിക്കുന്നു. അതോ, അവർ വാടുന്ന കിരീടവും നാമോ വാടാത്തതും പ്രാപിക്കേണ്ടതിന്നു തന്നേ. 
1കോരിന്ത്യർ 9 :24,25.
നിങ്ങളുടെ ജീവിതം എന്ന ഓട്ടത്തിൽ നിങ്ങൾ ജയിച്ചവരോ?... തോറ്റവരോ? 
രണ്ടും ഒരുപോലെ സാധ്യമല്ല .ക്രിസ്തീയ ജീവിതം ഇതുപോലെ ഒരു ഓട്ടക്കളം ആണ്. അതിൽ വിജയിക്കാൻ നല്ല പരിശീലനം, ഉറച്ചതീരുമാനം , അച്ചടക്കം , കഠിനാദ്ധ്വാനം , എന്നിവ അനിവാര്യമാണ് . ജയാളി ആയി കിരീടം പ്രാപിക്കണമെങ്കിൽ നാം ആ ലക്ഷ്യത്തിൽ എത്തി ചേരണം . അവിടെ എത്തിച്ചേരുന്നവർക്കു മാത്രമേ കിരീടം പ്രാപിക്കുവാൻ സാധിക്കുകയുള്ളൂ .

ഒരു കളിക്കാരൻ തന്റെ ലക്ഷ്യ സ്ഥാനത്തു എത്തി കിരീടം പ്രാപിക്കുന്നതു പോലെ തന്നെയാണ് ഓരോ ക്രൈസ്തവന്റെയും ഈ ലോകജീവിതം . നമ്മൾ ശ്രദ്ധയോടെ ഓടുവാൻ വിളിക്കപ്പെട്ടവർ ആണ് .അങ്ങനെയെങ്കിൽ മാത്രമേ ജയകരമായ ഒരു ജീവിതം നയിച്ചു നമ്മുടെ കർത്താവിൽ നിന്ന് ആ ജീവകിരീടം പ്രാപിച്ചു എടുക്കുവാൻ സാധിക്കുകയുള്ളൂ . ജയിച്ചു വരുന്നവർക്ക് സ്വർഗ്ഗത്തിൽ ഒരു മനോഹരമായ സ്ഥാനം ഒരുക്കിയിട്ടുണ്ട് .ഈ സ്ഥാനത്തു എത്തി ചേരാതെ ഇരിക്കുവാൻ പിശാച് അവന്റെ സൈന്യവുമായി നമ്മളെ നേരിട്ടുകൊണ്ട് ഇരിക്കും. പ്രതികൂലത്തെയും , തടസങ്ങളെയും, പോരായിമകളെയും ,ഒക്കെ നമ്മുടെ മുൻപിൽ സാത്താൻ കൊണ്ടുവന്നിട്ടു നമ്മുടെ മുന്നോട്ടുള്ള ഓട്ടത്തെ തടസപ്പെടുത്തുവാൻ ശ്രമിക്കും .എങ്കിലും ഇതൊക്കെ വരുമ്പോൾ നമ്മുടെ തീരുമാനം പോലെ ഇരിക്കും നാം അതിനെ ജയിക്കണോ വേണ്ടയോ എന്നത് . വചനം പറയുന്നു .....ബാലൻ നടക്കേണ്ടുന്ന വഴിയിൽ അവനെ അഭ്യസിപ്പിക്ക; അവൻ വൃദ്ധനായാലും അതു വിട്ടുമാറുകയില്ല.
ദൈവം തന്റെ കുഞ്ഞുങ്ങളെ ഈ പ്രതികൂലത്തിൽ നിന്നെല്ലാം അതി ജീവിക്കുവാൻ ഉള്ള പരിശീലനം വചനത്തിലൂടെ നമ്മുക്ക് നൽകിയിട്ടുണ്ട്.അതുകൊണ്ടു അത് മനസ്സിലാക്കുന്നവർക്കു ഈ ഓട്ടം വിജയിക്കുവാൻ സാധിക്കും.

നമ്മുടെ ദൈവം ജയാളി ആണ് .അതിനാൽ തന്നെ അവന്റെ മക്കളും ജയാളികൾ ആയി തീരും . കർത്താവ് നമ്മളെ പഠിപ്പിച്ച വഴികളിലൂടെ നാം നടക്കുകയാണ് എങ്കിൽ തീർച്ചയായും നമ്മൾ ലക്ഷ്യ സ്ഥാനത്തു എത്തി ചേരും . കാരണം കർത്താവ് നമ്മുക്ക് വഴിയും സത്യവും ജീവനും ആണ് .സാത്താൻ സദാസമയവും ദൈവത്തിന്റെ മക്കളെ ദൈവത്തിന്റെ മാർഗ്ഗത്തിൽ നിന്നും മാറ്റിക്കളയുവാൻ നിരന്തരം ശ്രമിച്ചു കൊണ്ടേ ഇരിക്കുന്നു. നമ്മൾ അനുവദിച്ചു എങ്കിൽ മാത്രമേ അവനു നമ്മെ പരാജയ പ്പെടുത്തുവാൻ സാധിക്കുകയുള്ളൂ . അതുകൊണ്ടു നാം സാത്താന് വിട്ടുകൊടുക്കാതെ ശക്തമായി മുന്നേറണം .

ജയിക്കുവാൻ വേണ്ടി ആയിരിക്കണം നമ്മുടെ ഓട്ടം . .കിരീടം ആയിരിക്കണം നമ്മുടെ ലക്ഷ്യം. ജയിക്കുന്നവർക്കേ ജെയോൽത്സവം കൊണ്ടാടുവാൻ സാധിക്കുകയുള്ളൂ അവരുടെ നടുവിൽ സന്തോഷവും ,ആവേശവും ,ആശ്വാസവും ,സമാധാനവും ഉണ്ടാകും. .പരാജയപ്പെടുന്നവരുടെ നടുവിൽ ദുഃഖം , നിരാശ,ഞരക്കം പ്രത്യാശ ഇല്ലായ്മ തുടങ്ങിയവ അനുഭവപ്പെടും .നമ്മുക്ക് ഏതു വേണം എന്ന് നാം ആണ് തീരുമാനിക്കേണ്ടത്.

നമ്മൾ ഒരു കാളി കാണുമ്പോൾ നമ്മൾക്കു ഇഷ്ടമുള്ള ടീം ജയിക്കുമ്പോൾ നമ്മൾ എത്ര അധികം സന്തോഷിക്കും ? നമ്മൾ തുള്ളിച്ചാടും, കൈക്കോട്ടും, കൂട്ടുകാർ തമ്മിൽ പരസ്പരം കെട്ടിപ്പിടിക്കും,ഇതിനെക്കാളും എത്ര അധികം ആയിരിക്കും ആ ജയിച്ച ടീമിന്റെ സന്തോഷം ? .അവർ ഓടിനടക്കും , തുള്ളിച്ചാടും , ഡാൻസ് കളിക്കും,കീരീടം വാങ്ങി ചുംബിക്കും, എന്നുവേണ്ട എന്തെല്ലാം തരത്തിലുള്ള പ്രകടനങ്ങൾ അവിടെ കാണിക്കും മറു ഭാഗത്തു പരാജയപ്പെട്ട ടീമിന്റെ നിരാശ ഒന്ന് ഓർത്തു നോക്കിക്കേ..... അവരുടെ ആരാധകരുടെ കാര്യം ഒന്ന് ഓർത്ത് നോക്കിക്കേ ..... ഇതേപോലെ ആയിരിക്കും നമ്മുക്ക് ക്രിസ്തീയ ജീവിതത്തിൽ പരാജയം സംഭവിച്ചാൽ ഉള്ള അവസ്ഥയും

നമ്മുടെ പരിശീലകൻ ആയ പരിശുദ്ധാത്മാവിന്റെ നിർദ്ദേശങ്ങൾ പാലിച്ചു അവനെ അനുസരിച്ച് നടക്കുകയാണെങ്കിൽ തീർച്ചയായിട്ടും നാം ജയിക്കും .യേശു ഈ ഭൂമിയിൽ ആയിരുന്നപ്പോൾ പിതാവിന്റെ നിർദ്ദേശങ്ങൾ പാലിച്ചു മുന്നേറിയത് കൊണ്ട് പിശാചിന്റെമേൽ ജയോത്സവംകൊണ്ടാടുവാൻ നമ്മുടെ കർത്താവിനു സാധിച്ചു . നമ്മളും ജയിച്ചു ചെല്ലുന്നതും നമ്മളെ എതിരേൽക്കുവാനും വേണ്ടി കോടാനുകോടി ദൂതന്മാർ സ്വർഗ്ഗത്തിൽ തയ്യാറെടുക്കുന്നു. ഈ സന്തോഷം പ്രാപിപ്പാൻ നമ്മെ തന്നെ ഒരുക്കുക. നമുക്കേവർക്കും ഇനിയുള്ള കാലം ജയിക്കുവാൻ വേണ്ടി ഓടാം .....
ദൈവം നിങ്ങളെ ഓരോരുത്തരെയും അനുഗ്രഹിക്കട്ടെ.
സ്നേഹത്തോടെ
സുമസാജി