😒നിങ്ങൾ പ്രത്യാശ നഷ്ടപ്പെട്ടവർ ആണോ ?
😒നിങ്ങൾ നിരാശരായി ഇരിക്കുന്നവർ ആണോ ? 
😒എല്ലാം കൈവിട്ടു പോയി എന്ന തോന്നലിൽ ആണോ നിങ്ങളുടെ ജീവിതം ?

അങ്ങനെയെങ്കിൽ നിങ്ങൾ സർവ്വശക്തനായ ദൈവത്തിങ്കലേക്കു തിരിയുക .നിങ്ങളുടെ 
സകല കഷ്ടതകളിൽ നിന്നും വിടുവിപ്പാൻ നമ്മുടെ കർത്താവ് മതിയായവൻ അല്ലോ . നിങ്ങളുടെ ജീവിതത്തിൽ ദൈവത്തിനു ചെയ്യുവാൻ പറ്റാത്തതായി എന്തെങ്കിലും ഉണ്ടോ ? ദൈവത്തിൽ ഒന്ന് ആശ്രയം വെച്ച് നോക്കൂ .... അപ്പോൾ തിരിച്ചറിയാൻ സാധിക്കും നമ്മുടെ ദൈവത്തിന്റെ ശക്തിയും മഹത്വവും . നമ്മുടെ ദൈവം അനേകരെ അവരുടെ തകർച്ചയിൽ നിന്നും രക്ഷിച്ചു അവർക്കു പ്രത്യാശയും ധൈര്യവും നൽകിയ എത്രയോ അനുഭവങ്ങൾ നമ്മുടെ വചനത്തിൽ നാം വായിക്കുന്നുണ്ട് .എത്രയോ മഹിമകണ്ട സാക്ഷികൾ ഇന്നും ജീവിക്കുന്നു .യേശുവിൽ നമ്മുക്ക് പ്രത്യാശ ഉണ്ട് . അവൻ നമ്മെ ഒരുനാളും കൈവിടുകയില്ല , ഉപേക്ഷിക്കുകയുമില്ല...... ആർത്തിരമ്പുന്ന തിരമാലകളുടെ നടുവിൽ നിന്ന് നമ്മെ രക്ഷിച്ചു നമ്മുക്ക് സമാധാനവും സ്വസ്ഥതയും നൽകുവാൻ നമ്മുടെ ദൈവം മതിയായവൻ ആണ് .നമ്മുടെ ജീവിതത്തിൽ അതിശയങ്ങളും അത്ഭുതങ്ങളും ചെയ്‌വാൻ യേശു ശക്തനാണ് .ഒരു പക്ഷെ നിങ്ങൾ ഇന്ന് വളരെ പ്രതികൂലത്തിലൂടെ ആയിരിക്കും പോകുന്നത് ..... നിരാശപ്പെടേണ്ടാ .... യേശുവിൽ പ്രത്യാശവെക്കുക. നമ്മുടെ കർത്താവായ യേശുക്രിസ്തു നിങ്ങളുടെ സകല പ്രതികൂലത്തെയും മാറ്റി നിങ്ങൾക്ക് സമാധാനവും സന്തോഷവും നൽകും.
ദൈവം നിങ്ങളെ ഓരോരുത്തരെയും അനുഗ്രഹിക്കട്ടെ
സ്നേഹത്തോടെ
സുമാസജി.