500 രൂപയും 1000രൂപയും നിരോധിക്കുന്നു....എന്ന് കേട്ടപ്പോള്‍...ആള്‍ക്കാര്‍

ഞെട്ടലോടെ പരക്കം പാഞ്ഞു ഓടുകയാണ് ഇതൊന്നു മാറ്റിയെടുക്കുവാന്‍.....എന്നാല്‍ കയ്യില്‍ ഒരു പൈസയും ഇല്ലാത്തവന്‍ സമാധാനമായി വീട്ടില്‍ കിടന്നുറങ്ങുകയും ചെയ്യുന്നു.....പ്രീയപെട്ടവരെ....ഇതൊരു തുടക്കം മാത്രം ആണ്. ഇനി കേള്‍ക്കുവാന്‍ പോകുന്നത്...ബാങ്കുകള്‍ പണം മരവിക്കുന്നു എന്നായിരിക്കും .കോടികള്‍ ബാങ്ക് ബാലന്‍സ് ഉള്ളവരുടെ അവസ്ഥ ഒന്നോര്‍ത്തു നോക്കിക്കേ..... ഒരു നേരത്തെ ആഹാരം പോലും നേരാംവണ്ണം കഴിക്കാതെ....കിട്ടുന്നതെല്ലാം ബാങ്കില്‍ ഇടുകയും....കണ്ണെത്താ ദൂരം മൊത്തം വാങ്ങി തന്‍റെ പേരില്‍ ആക്കി കൊണ്ടിരിക്കുന്നു....ഇതൊക്കെ നഷ്ടമാകുന്ന ഒരു ദിവസം വരും എന്ന് ആരും ഓര്‍ക്കുന്നില്ലാ....എങ്ങിനെയും പണം ഉണ്ടാക്കുവാന്‍ ഉള്ള തത്രപാടിലാ,,,,,ഇന്നു എല്ലാവരും. എന്തിനു പറയുന്നു....ദൈവത്തിന്‍റെ പേര് പറഞ്ഞു വരെ തട്ടിപ്പ് നടത്തുന്നു....ഒന്ന് ഓര്‍ത്താല്‍ നല്ലത്....നീ മരിക്കുമ്പോള്‍ നീ സ്നേഹിച്ച ഈ പണമെല്ലാം ഈ ഭൂമിയില്‍ ഉപേക്ഷിച്ചിട്ട് പോകേണ്ടി വരും.“ദരിദ്രന്മാരായ നിങ്ങള്‍ ഭാഗ്യവാന്മാര്‍, ദൈവരാജ്യം നിങ്ങള്‍ക്കുള്ളതു.ഒരു മനുഷ്യന്‍ സര്‍വ്വലോകവും നേടീട്ടു തന്നെത്താന്‍ നഷ്ടമാക്കിക്കളകയോ ചേതം വരുത്തുകയോ ചെയ്താന്‍ അവന്നു എന്തു പ്രയോജനം?....എന്തു തിന്നും എന്തു കുടിക്കും എന്നു നിങ്ങള്‍ ചിന്തിച്ചു ചഞ്ചലപ്പെടരുതു.ഈ വക ഒക്കെയും ലോകജാതികള്‍ അന്വേഷിക്കുന്നു; നിങ്ങളുടെ പിതാവോ ഇവ നിങ്ങള്‍ക്കു ആവശ്യം എന്നു അറിയുന്നു. അതുകൊണ്ട് പ്രീയപെട്ടവരെ....നാം ഓരോരുത്തരും പ്രത്യാശ ഉള്ളവരായി ജീവിപ്പീന്‍....
ദൈവം നിങ്ങളെ ഓരോരുത്തരെയും അനുഗ്രഹിക്കട്ടെ....

സ്നേഹത്തോടെ
സുമാ സജി

ഈ ലോകത്തില്‍ രണ്ടു ശക്തികള്‍ നിലവില്‍ ഉണ്ട്. * നന്മയും തിന്മയും*.

അറിയുമോ ............? =D

ഈ ലോകത്തില്‍ രണ്ടു ശക്തികള്‍ നിലവില്‍ ഉണ്ട്.
* നന്മയും തിന്മയും*.

*ശരിയും തെറ്റും* ആരും പറയാതെ തന്നെ നിങ്ങള്‍ക്ക് തിരിച്ചു അറിയാം....

നമ്മുടെ ആത്മമണ്ഡലത്തിലും രണ്ടു ശക്തികള്‍ നിലകൊള്ളുന്നു.....* ദൈവവും ,സാത്താനും *.

ദൈവാലോചന നിവൃത്തിക്കാനായി സൃഷ്ടിക്കപെട്ട നല്ല ദൂതന്മാരും, ദുഷ്ടാത്മാക്കളായ ചെകുത്താന്‍മാരും ഉണ്ട്.

ഈ ദുഷ്ടാത്മാക്കളായ ചെകുത്താന്‍മാര്‍ ഒരു കാലത്ത് നല്ല ദൂതന്മാര്‍ ആയ മാലാഖകള്‍ ആയിരുന്നു....എന്നാല്‍ അവര്‍ ദൈവത്തോട് മത്സരിച്ചു ചെകുത്താന്‍മാര്‍ ആയി. പ്രധാന ദൂതന്മാരായ ലൂസിഫെര്‍ ദൂതന്മാരില്‍ ഒരു കൂട്ടത്തേ വശീകരിച്ചു ദൈവത്തോട് മത്സരിക്കുകയും ദൈവം അവരെ സ്വര്‍ഗ്ഗത്തില്‍ നിന്നും തള്ളിയിടുകയും അവര്‍ക്കായി നരകം ഒരുക്കുകയും ചെയിതു. (Revelation12:7-9). ദൈവവും മാലാഖമാരും സ്വര്‍ഗ്ഗത്തില്‍ വസിക്കുമ്പോള്‍ സാത്താനും അവന്‍റെ ദൂതന്മാരും നരകത്തിലും വസിക്കുന്നു....

നല്ലദൂതന്മാരും ചീത്ത ദൂതന്‍മാരും എപ്പോഴും ഭൂമിയില്‍ ഊടാടി സഞ്ചരിച്ചു കൊണ്ടിരിക്കുന്നു....ആരെ ഞാന്‍ വിഴുങ്ങേണ്ടുന്നു എന്ന് നോക്കി സാത്താനും. വചനം പറയുന്നു.....നിർമ്മദരായിരിപ്പിൻ; ഉണർന്നിരിപ്പിൻ; നിങ്ങളുടെ പ്രതിയോഗിയായ പിശാചു അലറുന്ന സിംഹം എന്നപോലെ ആരെ വിഴുങ്ങേണ്ടു എന്നു തിരിഞ്ഞു ചുറ്റിനടക്കുന്നു. (1Peter5:8).

ദൈവത്തിന്‍റെ ആത്മാവായാ പരിശുദ്ധാത്മാവും ഭൂമിയിലും സ്വര്ഗ്ഗത്തിലുമായി വാസം ചെയ്യുന്നു...ദൈവം പരിശുദ്ധാത്മാവിനു കൊടുത്തിരിക്കുന്ന ജോലി ദൈവത്തെ അറിഞ്ഞു അവന്‍റെ പാത പിന്‍പറ്റി നടക്കുന്നവരെ മുദ്രയിടുക, സംരക്ഷിക്കുക ,എന്നിവ ആണ്. പരിശുദ്ധാത്മാവ് ചെയ്യുന്ന മറ്റൊരു പ്രവൃത്തി ഇതുവരെയും ദൈവത്തേയും ദൈവവഴികളെയും തിരഞ്ഞെടുത്തിട്ടില്ലാത്തവരെ അതിനായി പ്രേരിപ്പിക്കുകയും അവരെ നേടിയെടുക്കുക എന്നും കൂടിയത്രേ....

ഇതു ആരൊക്കെ വായിക്കും എന്ന് എനിക്ക് അറിയില്ലാ....എങ്കിലും ഞാന്‍ ഒന്ന് നിങ്ങളോട് പറയട്ടെ....ദൈവത്തെ തിരഞ്ഞെടുക്കുവാനായി ദൈവം നിങ്ങളെ ഒരിക്കലും നിര്ബ്ന്ധിക്കുകയില്ലാ....ദൂതന്മാര്‍ മത്സരിച്ചപ്പോള്‍ പോലും അവരെ ദൈവം നിര്‍ബന്ധിച്ചു കൂടെ കൂട്ടിയില്ലാ....എന്ന് ഓര്മ വേണം.ദൂതന്‍മാരുടെ ഇഷ്ടം പോലെ ചെയ്യാന്‍ ദൈവം അവരെ അനുവദിച്ചു....

വചനം പറയുന്നു.....മറ്റൊരുത്തനിലും രക്ഷ ഇല്ല; നാം രക്ഷിക്കപ്പെടുവാൻ ആകാശത്തിൻ കീഴിൽ മനുഷ്യരുടെ ഇടയിൽ നല്കപ്പെട്ട വേറൊരു നാമവും ഇല്ല. (Acts4:12) ഇതു വായിക്കുന്ന നിങ്ങള്‍ എന്ത് തീരുമാനിച്ചു....

ദൈവത്തെ വേണോ.....അതോ....സാത്താന്‍റെ കൂടെ പോകണോ....?

നാളത്തേക്ക് നിങ്ങളുടെ തീരുമാനങ്ങളെ മാറ്റി വെക്കരുത്. കര്‍ത്താവിന്‍റെ വരവ് എപ്പോഴെന്നു നമ്മുക്ക് അറിയില്ലാ.... “വചനം നിനക്കു സമീപമായി നിന്‍റെ വായിലും നിന്‍റെ ഹൃദയത്തിലും ഇരിക്കുന്നു;” അതു ഞങ്ങൾ പ്രസംഗിക്കുന്ന വിശ്വാസ വചനം തന്നേ.
യേശുവിനെ കർത്താവു എന്നു വായികൊണ്ടു ഏറ്റുപറകയും ദൈവം അവനെ മരിച്ചവരിൽ നിന്നു ഉയിർത്തെഴുന്നേല്പിച്ചു എന്നു ഹൃദയംകൊണ്ടു വിശ്വസിക്കയും ചെയ്താൽ നീ രക്ഷിക്കപ്പെടും.
ഹൃദയം കൊണ്ടു നീതിക്കായി വിശ്വസിക്കയും വായികൊണ്ടു രക്ഷെക്കായി ഏറ്റുപറകയും ചെയ്യുന്നു.
“അവനിൽ വിശ്വസിക്കുന്നവൻ ഒരുത്തനും ലജ്ജിച്ചു പോകയില്ല” (Romans10:8 - 11)

തിരഞ്ഞെടുപ്പ് നിങ്ങളുടേത് ആണ്. നിങ്ങളുടേത് മാത്രം.
അതുകൊണ്ട് ഓര്‍ക്കുക നമ്മുടെ തിരഞ്ഞെടുപ്പ് എന്തെന്ന് നാം തന്നെയാണ് തീരുമാനിക്കേണ്ടത്.

ഓര്‍ക്കുക ചീത്ത തിരഞ്ഞെടുപ്പ് ശിക്ഷയിലേക്ക്‌ നയിക്കും.

നല്ല ഒരു തിരഞ്ഞെടുപ്പിലേക്ക് നിങ്ങളെ നയിക്കുവാന്‍ ദൈവം സഹായിക്കട്ടെ....

സ്നേഹത്തോടെ....നിങ്ങളുടെ
സുമാ സജി.

ഇതാ, ഞാൻ വേഗം വരുന്നു;

ഇതാ, ഞാൻ വേഗം വരുന്നു; ഓരോരുത്തന്നു അവനവന്‍റെ പ്രവൃത്തിക്കു തക്കവണ്ണം കൊടുപ്പാൻ പ്രതിഫലം എന്‍റെ പക്കൽ ഉണ്ടു. Revelation 22:12.

ജീവപുസ്തകത്തില്‍ പേര് ഏഴുതീട്ടുള്ള വിശുദ്ധന്മാര്‍ ആയ
ദൈവമക്കള്‍ക്ക് നല്‍കുവാനായി 5 കിരീടം ഒരുക്കി വെച്ചിട്ടുണ്ട്.ഈ കിരീടങ്ങള്‍ വാങ്ങുവാന്‍ നമ്മള്‍ റെഡി ആണോ ....?

1. പ്രശംസാ കിരീടം

നമ്മുടെ കർത്താവായ യേശുവിന്‍റെ മുമ്പാകെ അവന്‍റെ പ്രത്യക്ഷതയിൽ ഞങ്ങളുടെ ആശയോ സന്തോഷമോ പ്രശംസാകിരീടമോ ആർ ആകുന്നു? നിങ്ങളും അല്ലയോ?
1Thessalonians 2:19

2. നീതിയുടെ കിരീടം
ഞാൻ നല്ല പോർ പൊരുതു, ഓട്ടം തികെച്ചു, വിശ്വാസം കാത്തു.ഇനി നീതിയുടെ കിരീടം എനിക്കായി വെച്ചിരിക്കുന്നു; അതു നീതിയുള്ള ന്യായാധിപതിയായ കർത്താവു ആ ദിവസത്തിൽ എനിക്കു നല്കും; എനിക്കു മാത്രമല്ല, അവന്‍റെ പ്രത്യക്ഷതയിൽ പ്രിയംവെച്ച ഏവർക്കുംകൂടെ. വേഗത്തിൽ എന്‍റെ അടുക്കൽ വരുവാൻ ഉത്സാഹിക്ക. 2 Timothy4:7to9

3.ജീവന്‍റെ കിരീടം

നീ സഹിപ്പാനുള്ളതു പേടിക്കേണ്ടാ; നിങ്ങളെ പരീക്ഷിക്കേണ്ടതിന്നു പിശാചു നിങ്ങളിൽ ചിലരെ തടവിൽ ആക്കുവാൻ പോകുന്നു; പത്തു ദിവസം നിങ്ങൾക്കു ഉപദ്രവം ഉണ്ടാകും; മരണ പര്യന്തം വിശ്വസ്തനായിരിക്ക; എന്നാൽ ഞാൻ ജീവ കിരീടം നിനക്കു തരും. Revelation2:10

പരീക്ഷ സഹിക്കുന്ന മനുഷ്യൻ ഭാഗ്യവാൻ; അവൻ കൊള്ളാകുന്നവനായി തെളിഞ്ഞ ശേഷം കർത്താവു തന്നെ സ്നേഹിക്കുന്നവർക്കു വാഗ്ദത്തം ചെയ്ത ജീവകിരീടം പ്രാപിക്കുംJacob:1:12

4. വാടാത്ത കിരീടം

ഓട്ടക്കളത്തിൽ ഓടുന്നവർ എല്ലാവരും ഓടുന്നു എങ്കിലും ഒരുവനേ വിരുതു പ്രാപിക്കുന്നുള്ളു എന്നു അറിയുന്നില്ലയോ? നിങ്ങളും പ്രാപിപ്പാന്തക്കവണ്ണം ഓടുവിൻ.
അങ്കം പൊരുന്നവൻ ഒക്കെയും സകലത്തിലും വർജ്ജനം ആചരിക്കുന്നു. അതോ, അവർ വാടുന്ന കിരീടവും നാമോ വാടാത്തതും പ്രാപിക്കേണ്ടതിന്നു തന്നേ.
1Corinthians9:24,25
വിഗ്രഹാരാധന, ദുര്‍ന്നടപ്പു,ജഡമോഹം,പാപം ഇവയെല്ലാം വിട്ടു ഓടണം.

5.തേജസ്സിന്‍റെ വാടാകിരീടം

ഇടയശ്രേഷ്ഠൻ പ്രത്യക്ഷനാകുമ്പോൾ നിങ്ങൾ തേജസ്സിന്റെ വാടാത്ത കിരീടം പ്രാപിക്കും. 1peter5:4

ഈ കിരീടങ്ങള്‍ ഒക്കെ നമ്മുക്ക് കിട്ടണമെങ്കില്‍ നാം എത്രമാതം വിശുദ്ധജീവിതം നയിച്ചാല്‍ മതിയാകും....?

” നമ്മുക്ക് നമ്മളോടുതന്നെ ചോദിക്കാം ഒടുവില്‍ ഞാന്‍ എവിടെ എത്തും” ?

സാത്താനോടൊത്ത് നിത്യനരകത്തിലോ ?

നരകത്തിലെ പ്രതിഫലങ്ങള്‍
1 ചാകാത്ത പുഴു (മര്‍ക്കൊ. 9:47-50)
2 കെടാത്ത തീ ....(മര്‍ക്കൊ. 9:47-50)
3 തീ...കൊണ്ട് ഉടുപ്പ് ഇടും (മര്‍ക്കൊ. 9:47-50)
4 തീ ജ്വാല (ലൂക്കൊ. 16:19-31)
5 യാതന (ലൂക്കൊ. 16:23) ‘
6 ഇരുട്ട് (മത്താ. 8:12 )
7 പിശാചും, അവന്‍റെ ദൂതന്മാരും (മത്താ. 25:41 )
8 പുഴുക്കളെ വിരിച്ചിരിക്കുന്നു (യെശ. 14:11)
9 കൃമികള്‍ നിനക്ക് പുതപ്പായിരിക്കുന്നു ( യെശ. 14:11)
10 സാത്താനും അവന്‍റെ സേനയും വെളി.20:2

അതോ ദൈവത്തോടൊത്ത് നിത്യസ്വര്‍ഗ്ഗത്തിലോ ?

സ്വര്‍ഗ്ഗത്തിലെ പ്രതിഫലങ്ങള്‍.....

1 പുതിയ ആകാശവും ഭൂമിയും സൃഷ്ടിച്ച,ദൈവത്തിന്‍റെ കൂടെ എന്നെന്നേക്കും ജീവിയ്ക്കും.

2 ജീവകിരീടം (വെളീ .2:10) 5)
3 വാടാത്ത കിരീടം (1കൊരി .9:2
4 തേജസിന്‍റെ കിരീടം,(1പത്രോ .5:4)
5 പ്രശംസാകിരീ (1തെസ്സ. 2:19)
6 നീതിയുടെ കിരീടം

നാം ഇതു ചിന്തിക്കേണ്ടത് അത്യാവശ്യം ആണ്. നാം തന്നെ ആണ് ഇതു തിരഞ്ഞെടുക്കേണ്ടത്....

ഒന്നുകില്‍ പാപപരിഹാരത്തിന്നായി ദൈവത്താല്‍ നല്കപ്പെട്ട ഏക മാര്‍ഗ്ഗമായ ക്രിസ്തുവിന്‍റെപ്രായശ്ചിത്തമരണത്തില്‍ വിശ്വസിച്ച് ഇടുക്കമുള്ള വഴിയിലുടെ ചുരുക്കം പേരോടുകൂടെ സഞ്ചരിച്ച് സ്വര്‍ഗ്ഗത്തില്‍എത്താം.....

അല്ലെങ്കില്‍ പിശാചിന്‍റെ വശീകരണത്തില്‍ മയങ്ങി ബഹുജനത്തോടൊപ്പം പാപജീവിതത്തിന്‍റെ
വിശാലമായ മാര്‍ഗ്ഗങ്ങളില്‍ സഞ്ചരിച്ച് നിത്യനാശത്തില്‍ അവസാനിപ്പിക്കാം

ഏതുവേണമെന്ന് നിങ്ങള്‍ നിങ്ങളോട് തന്നെ സ്വയം ചോദിക്കൂ.....

ദൈവം നിങ്ങളെ അനുഗ്രഹിക്കുമാറാകട്ടെ

സ്നേഹത്തോടെ
സുമാസജി

കര്‍ത്താവിനോട് ചേര്‍ന്ന് നില്‍ക്കുക.

കര്‍ത്താവിനോട് ചേര്‍ന്ന് നില്‍ക്കുക.

ഒരു ദൈവദാസന്‍ വനംപ്രദേശങ്ങളില്‍ തന്‍റെ ശുശ്രൂഷാ ജീവിതം നയിച്ച്‌ പോകുന്നു.....ഈ ദൈവദാസന്‍ താമസിക്കുന്ന വീടിന്‍റെ അടുത്തുനിന്നും 4 km ദൂരെ ആണ് തന്‍റെ ദേവാലയം സ്ഥിതി ചെയ്യുന്നേ....ഇതില്‍ നല്ല ദൂരം അദ്ദേഹം വനാന്തരങ്ങളില്‍ കൂടെ ആണ് യാത്രചെയ്യുന്നെ.....ഇദ്ദേഹത്തിന്‍റെ ദേവാലയത്തില്‍ രാവിലത്തെ ശുശ്രൂഷയ്ക്ക് പോകണമെങ്കില്‍ വളരെ വെളുപ്പിനെ എഴുന്നേറ്റു നടന്നെങ്കിലെ....ദേവാലയത്തില്‍ എത്തുകയുള്ളൂ.....അങ്ങനെ.....

<3 ഒരു ഞാറാഴ്ച വെളുപ്പിനെ എഴുന്നേറ്റു തന്‍റെ ദേവാലയത്തിലേക്ക് പോകുവാന്‍ ഇറങ്ങി....പതിവിലും അധികം ഇരുട്ടു തോന്നി....നല്ല മഴക്കോളുകളാല്‍ ആകാശം ഇരുണ്ട് കിടക്കുകയാണ്.പ്രാര്‍ഥിച്ചുകൊണ്ട് അദ്ദേഹം വളരെ വേഗം നടന്നു.....വനത്തിന്‍റെ മദ്ധ്യഭാഗത്തു എത്തിയപ്പോള്‍....ശക്തമായ മഴക്കുള്ള സാധ്യത അദ്ദേഹം കണ്ടു.....അപ്പോള്‍ തന്നെ....ഈ ദൈവദാസന്‍ അവിടെ മുട്ടുകുത്തി പ്രാര്‍ഥിച്ചു....ദൈവമേ....ഞാന്‍ പള്ളിയില്‍ എത്തുവോളം മഴപെയ്യരുത്....മഴപെയിതാല്‍ എന്‍റെ ശരീരം മുഴുവന്‍ നനയും...എന്‍റെ ബൈബിള്‍ നനയും....ഇന്നു തിരുമേശകൊടുക്കേണ്ടതാണ്..... അതിനുള്ളതെല്ലാം എന്‍റെ കയ്യില്‍ ഉണ്ട്....അതും നനയും....അതുകൊണ്ട് ഈ മഴയെ ശാന്തമാക്കണം....എന്ന് പ്രാര്‍ഥിച്ചു....

എന്നാല്‍ അല്പം കൂടി മുന്നോട്ടു നടന്നപ്പോഴേക്കും ...അതിശക്തമായ രീതിയില്‍ മഴപെയിതു. ഈ ദൈവദാസന്‍ മഴനനഞ്ഞു.... തന്‍റെ ദേവാലയത്തില്‍ പോയി.....തന്‍റെ ശുശ്രൂഷ ഭംഗിയായി നടത്തി. എങ്കിലും....അദ്ദേഹത്തിനു ദൈവത്തോട് ഭയങ്കര ദേഷ്യം തോന്നി.....ഇത്രയും നാള്‍ ഞാന്‍ പ്രസംഗിച്ചഎന്‍റെ ദൈവം എന്‍റെ പ്രാര്‍ത്ഥന കേട്ടില്ലല്ലോ.....ഞാനെന്തിനിനി ഈ ദൈവത്തെ വിളിക്കണം....അനേകര്‍ക്ക്‌ ഞാന്‍ കാണിച്ചു കൊടുത്ത ദൈവം എന്നെ പരാജയപ്പെടുത്തി..... ഇങ്ങനെ വളരെ പ്രയാസം തോന്നി കരഞ്ഞു....വളരെ നിരാശനായി....ഇനി ഞാന്‍ എന്‍റെ ശുശ്രൂഷ തുടരുവാന്‍ ആഗ്രഹിക്കുന്നില്ലാ...എന്ന് തീരുമാനിച്ചു.....ഉറപ്പിച്ചു.... അങ്ങനെ തന്‍റെ ശുശ്രൂഷാ ജീവിതത്തില്‍ നിന്നും പിന്മാറാന്‍ ചിന്തിച്ചുകൊണ്ടിരിക്കുമ്പോള്‍ ........

=D =D =D മൂന്നു ചെറുപ്പക്കാര്‍ തന്‍റെ ഭവനത്തിലേക്ക്‌ കടന്നു വന്നു.....അവര്‍ ഈ ദൈവദാസനോട് പറഞ്ഞു....

ദൈവാദാസാ..... താങ്കളുടെ ശുശ്രൂഷ ഒരിക്കലും അവസാനിപ്പിക്കരുത് , കാരണം താങ്കളുടെ ദൈവം ജീവിക്കുന്ന ദൈവം ആണ്. ഇതു കേട്ട് സ്തംഭിച്ചുപോയ ദൈവദാസന്‍ അവരെ മൂന്നുപേരെയും മാറി മാറി നോക്കി.....എന്നിട്ട് അവരോടു ചോദിച്ചു...നിങ്ങള്‍ ആരാണ്....? നിങ്ങള്ക്ക് ഇതു എങ്ങനെ മനസ്സിലായി....?ഞാനാരോടും ഒന്നും പറഞ്ഞില്ലല്ലോ....? എന്‍റെ ഹൃദയത്തിലെ ചിന്തകളെ അറിയുന്ന നിങ്ങള്‍ ആരാണ്...? ആരാണ് നിങ്ങളെ ഇങ്ങോട്ട് വിട്ടത്...?

=D അപ്പോള്‍ ആ മൂന്നു ചെറുപ്പക്കാര്‍ അവരുടെ കയ്യില്‍ ഇരിക്കുന്ന പണം ആ ദൈവദാസനെ കാണിച്ചു.....എന്നിട്ട് പറഞ്ഞു...ഞങ്ങള്‍ താങ്കളെ കൊല്ലുവാന്‍ വന്നതാണ്....അതിനു ഒരു മന്ത്രവാദി തന്ന പണം ആണിത്.താങ്കളുടെ പ്രാര്‍ഥനയും ദൈവീക പ്രവര്‍ത്തനവും കാരണം ഇവിടെയുള്ള അനേകര്‍ ദൈവത്തിലേക്ക് വരികയും അനേകര്‍ രക്ഷയുടെ പാതയില്‍ നടക്കുകയും ചെയിതു.ഇതില്‍ മനം നൊന്തു ജീവിക്കുന്ന ഒരു മന്ത്രവാദി ഈ വനാന്താരത്തിന്‍റെ അടുത്ത് ഉണ്ടായിരുന്നു....അവര്‍ തന്‍റെ മന്ത്രവാദം കൊണ്ട് വളരെ സമ്പത്ത് ഉണ്ടാക്കിയിരുന്നു....ഇപ്പോള്‍ അവരുടെ മന്ത്രവാദത്തിനു ശക്തി ഇല്ലാതെ ആയി...അവര്‍ സേവിക്കുന്ന സകല അന്തകാര ശക്തികളും ഈ പ്രദേശം വിട്ടു പോയി....അവരെ തേടി എത്തുന്ന മനുഷ്യരും നിങ്ങളുടെ ദൈവത്തെ കണ്ടു മുട്ടി.....
അതില്‍ ദേഷ്യം തോന്നിയ മന്ത്രവാദി താങ്കളെ കൊല്ലുവാന്‍ വേണ്ടി ഞങ്ങള്‍ക്ക് ഇത്രയും പണവും തന്നു ഞങ്ങളെ വിട്ടതാണ്.

താങ്കള്‍ വനത്തിലൂടെ പോകുമ്പോള്‍ അവിടെ വെച്ച് കൊല്ലുവാന്‍ ഞങ്ങള്‍ പദ്ധതി ഇട്ടൂ...അതിനായി ഞങ്ങള്‍ ഒരുക്കി വെച്ച സാധനങ്ങള്‍ എല്ലാം ഇന്നത്തെ മഴയില്‍ നഷ്ടപെട്ടുപോയി....ആ മഴ അപ്പോള്‍ പെയിതത്...താങ്കളെ രക്ഷിക്കുവാന്‍ വേണ്ടി ആയിരുന്നു എന്ന് ഞങ്ങള്‍ക്ക് ബോദ്ധ്യം ആയി.ഇതു ഞങ്ങളെ വളരെ അധികം ചിന്തിപ്പിച്ചു....ദൈവദാസന്‍ വിളിക്കുന്ന ദൈവത്തിന്‍റെ ശക്തി അസാധരണമായിട്ടുള്ളതാണ് എന്ന് ഞങ്ങള്‍ക്കും മനസ്സിലായി.....ആ ദൈവത്തെ ഞങ്ങള്‍ക്കും അറിയണം.എന്ന് പറഞ്ഞു അവര്‍ മൂന്നുപേരും ദൈവദാസന്‍റെ മുന്‍പില്‍ മുട്ടുമടക്കി.....

അത് കേട്ടതും ആ ദൈവദാസന്‍ ....പൊട്ടി കരഞ്ഞു.....എന്‍റെ ദൈവത്തിനെ ഞാനെന്തിനു തെറ്റിദ്ധരിച്ചു...എന്നെ രേക്ഷിക്കുവാന്‍ വേണ്ടി ആയിരുന്നല്ലോ ആ മഴപെയ്യിച്ചത് എന്ന് ഓര്‍ത്തപ്പോള്‍ അദ്ദേഹത്തിന്‍റെ കണ്ണുകള്‍ നിറഞ്ഞു ഒഴുകി.അതോടൊപ്പം മൂന്നു ചെറുപ്പക്കാരെക്കൂടി ദൈവം വേര്‍തിരിച്ചു എടുത്തു....

=D ഇതാണ് പ്രീയ സഹോദരങ്ങളെ....നമ്മുക്കും പറ്റുന്നത്....ഒരു പ്രയാസം വരുമ്പോള്‍ നമ്മളും ദൈവത്തോട് പരിഭവം പറയും ....

ദൈവത്തിനു നമ്മേ ....കുറിച്ചുള്ള പ്ലാനും പദ്ധതിയും വലുതാണ്‌....അത് നമ്മള്‍ മനസ്സിലാക്കണം. ദൈവം നമ്മുക്ക് ദോഷമായി ഒന്നും ചെയികയില്ലാ.... അതുകൊണ്ട് നാം ഓരോരുത്തരും ആ കര്‍ത്താവിനെ മുറുകെ പിടിച്ചു മുന്നോട്ടു പോകുക. നമ്മുടെ ചെറിയ മനസ്സില്‍ തോന്നുന്നതല്ലാ....ദൈവം നമ്മുക്കായി ചെയ്യുവാന്‍ ഇരിക്കുന്നത്....വന്‍കാര്യങ്ങളെ നമ്മുക്കായി ചെയിതു തരുവാന്‍ മതിയായവന്‍ ആണ് നമ്മുടെ കര്‍ത്താവ്‌.

അവനില്‍ വിശ്വസിക്കുക. കര്‍ത്താവ്‌ തന്‍റെ ദൂതനെ നിനക്ക് മുന്‍പായി അയച്ചു അവന്‍ നിന്‍റെ മുന്‍പില്‍ നിനക്ക് വേണ്ടി വഴി ഒരുക്കും.... വിശ്വസിക്കുക.......

എന്ത് തിന്നും എന്ത് കുടിക്കും എന്ന് നിങ്ങള്‍ ചിന്തിച്ചു ചഞ്ചലപ്പെടരുത്.... ഈ വക ഒക്കെയും ലോക ജാതികള്‍ അന്വഷിക്കുന്നു....നിങ്ങളുടെ പിതാവോ.... ഇവയൊക്കെയും നിങ്ങള്ക്ക് ആവശ്യം എന്ന് അറിയുന്നു.....

അതുകൊണ്ട് യേശുവില്‍ വിശ്വസിക്കുക.....സകലവും നിങ്ങള്‍ക്കായി അവന്‍ മുന്നമേ....കരുതിയിട്ടുണ്ട്.... ആമേന്‍.....

ദൈവം നിങ്ങളെ ഓരോരുത്തരെയും അനുഗ്രഹിക്കട്ടെ....

സ്നേഹത്തോടെ .......
സുമാ സജി.

അസാധ്യമെന്നു നമ്മുക്ക് തോന്നിയ പല കാര്യങ്ങളും ദൈവം നമ്മുക്ക് ചെയിതു തന്നിട്ടില്ലേ....?

''അവൻ നിങ്ങൾക്കായി കരുതുന്നതാകയാൽ നിങ്ങളുടെ സകല ചിന്താകുലവും അവന്‍റെ മേൽ ഇട്ടുകൊൾവിൻ''.

ഇതുപോലുള്ള പ്രതികൂലങ്ങളില്‍ കൂടിയും ഇടുങ്ങിയ വഴിയിലൂടെയും നീങ്ങിയപ്പോള്‍ നമ്മുടെ അരുമനാഥന്‍ നമ്മുക്കായി എത്രയോ.....നല്ല വഴികള്‍ നമ്മുക്കായി തുറന്നു തന്നിട്ടുണ്ട്.

അസാധ്യമെന്നു നമ്മുക്ക് തോന്നിയ പല കാര്യങ്ങളും ദൈവം നമ്മുക്ക് ചെയിതു തന്നിട്ടില്ലേ....?

ജീവന്‍ തന്നു നമ്മെ സ്നേഹിച്ച നമ്മുടെ നാഥന്‍ ഇനിയും എത്ര അധികമായി നമ്മുക്ക് വേണ്ടി പ്രവര്‍ത്തിക്കും .

നമ്മുടെ മുന്നിലുള്ള മലപോലുള്ള പ്രശ്നങ്ങള്‍ നമ്മുക്ക് കര്‍ത്താവിന്‍റെ കരങ്ങളില്‍ ഏല്‍പ്പിക്കാം.കര്‍ത്താവ്‌ ആ മലകളെ മാറ്റി...നമ്മുക്കായി പുതുവഴികളെ തുറക്കും.

ദൈവം നമ്മേ...ഓരോരുത്തരെയും അനുഗ്രഹിക്കട്ടെ......

യോനായെ അറിയില്ലേ ??

യോനായെ അറിയില്ലേ ??

അനുസരണക്കേടിന്റെ പ്രവാചകൻ ...
അതാണ് ആദ്യം മനസ്സിലേക്ക് ഓടി വരുന്നത് ....
പക്ഷെ ഈ അനുസരണമില്ലാത്ത മനുഷ്യന് വേണ്ടിയാണു ദൈവം ഏറ്റവും അധികം സൃഷ്ടിപ്പുകൾ നടത്തിയിട്ടുള്ളത് എന്ന കാര്യം അറിയാമോ ??

1) ഒരു പെരുങ്കാറ്റു (ഈ കാറ്റാണ് കടൽക്ഷോഭം ഉണ്ടാക്കിയത് )

2) ഒരു മഹാമൽസ്യം (യോനായെ വിഴുങ്ങിയ മൽസ്യം )

3) ഒരു ആവണക്ക് (യോനായ്ക്കു തണൽ ലഭിക്കുവാൻ )

4) ഒരു പുഴു (ഇതേ ആവണക്കിനെ തിന്നുകളയുവാൻ )

5) അത്യുഷ്ണമുള്ള കിഴക്കൻകാറ്റു ( യോനായെ ഉഷ്ണിപ്പിക്കുവാൻ )

നോക്കൂ ...എന്തെല്ലാം കാര്യങ്ങൾ !!!!
നമ്മെ ചില പാഠങ്ങൾ പഠിപ്പിക്കുവാൻ വേണ്ടി ദൈവം എന്തെല്ലാം പ്രവർത്തികളാണ് ചെയ്യുന്നത് ....
ചില സമയത്തു തണൽ ..ചില സമയത്തു അത്യുഷ്ണം ....

ചില അനുഗ്രഹങ്ങൾ നമ്മുക്ക് ലഭിക്കുമ്പോൾ...ചിലതു നഷ്ടപ്പെടുന്നു ....

എന്തിനെന്നോ .......???

നമ്മെ ചിലതു പഠിപ്പിക്കുവാൻ ....

നിരാശപ്പെടരുത് ...നമ്മുടെ അവസാനം നല്ലതാവട്ടെ....

ആ ....യോനയെപ്പോലെ ..

സ്നേഹത്തോടെ
സുമാസജി

എന്‍റെ നാഥാ....ഞാനിതാ കടന്നു വന്നിരിക്കുന്നു.

 

=D ഒരു പാസ്റ്റര്‍ എല്ലാ ദിവസവും ഉച്ചസമയത്തു കടന്നു ചെന്ന് നോക്കുമായിരുന്നു തന്‍റെ സഭയിലെ വിശ്വാസികള്‍ ആരെങ്കിലും പ്രാര്‍ത്ഥിക്കുവാന്‍ വേണ്ടി കടന്നു വരുന്നുണ്ടോ എന്ന്. അങ്ങനെ ഇരിക്കെ ഒരു ദിവസം സഭയുടെ വാതില്‍ തുറന്നു ഒരാള്‍ കയറുന്നത് കണ്ടു.അദ്ദേഹം മുഷിഞ്ഞ വേഷം ധരിച്ചു...വളരെ ക്ഷീണിതനായി ....കയ്യില്‍ ഒരു ചോറുപാത്രവുമായി പള്ളിക്കുള്ളില്‍ കടന്നു പോകുകയും മുട്ടുകുത്തി തലകുനിച്ചു ഒരുനിമിഷം ഇരുന്നതിനു ശേഷം എഴുന്നേറ്റു പോകുന്നതും കണ്ടു.....ഇങ്ങനെ മൂന്നാല് ദിവസം അദ്ദേഹം പതിവായി പള്ളിക്കുള്ളില്‍ വരുന്നത് പാസ്റ്റര്‍ കണ്ടു.

ഒരു പരിചയവും ഇല്ലാത്ത വ്യക്തി ആയതിനാല്‍ പാസ്റ്ററിന് അധേഹത്തില്‍ സംശയം തോന്നി. ഒരു ദിവസം പാസ്റ്റര്‍ അദ്ദേഹത്തോട് ചോദിച്ചു...നിങ്ങള്‍ ദിവസവും ഈ സമയത്ത് എന്തിനാണ് ഇവിടെ വരുന്നത്? ഇവിടെ വന്നയുടന്‍ തന്നെ നിങ്ങള്‍ തിരിച്ചു പോകുകയും ചെയ്യുന്നു..... എന്താണ് ഇതിന്‍റെ ഉദ്ദേശ്യം ?

=D അദ്ദേഹം പറഞ്ഞു....ഞാന്‍ ഒരു ഫാക്ടറി ജോലിക്കാരന്‍ ആണ്. എന്‍റെ ഉച്ച ആഹാരം കഴിക്കുവാന്‍ തന്നിരിക്കുന്ന സമയം ½ മണിക്കൂര്‍ ആണ്. ഇതെന്‍റെ പ്രാര്ഥനാ സമയം ആയി ഞാന്‍ തിരഞ്ഞെടുത്തു. എനിക്ക് ശക്തിയും ആരോഗ്യവും കിട്ടുന്ന നിമിഷം ഇതാണ്.ഒരു നിമിഷമേ എനിക്ക് ഇവിടെ നില്ക്കു്വാന്‍ സാധിക്കുകയുള്ളൂ.....കാരണം ഫാക്ടറി വളരെ ദൂരെയാണ്.

=D അപ്പോള്‍ പാസ്റ്റര്‍ചോദിച്ചു.....
എന്താണ് ഇത്രയും ദൂരെ വന്നു ഈ ഒരു നിമിഷം നിങ്ങള്‍ പ്രാര്തിക്കുന്നത്?

=D അപ്പോള്‍ അദ്ദേഹം പറഞ്ഞു......
ഞാന്‍ മുട്ടുകുത്തി എന്‍റെ കര്‍ത്താവിനോട് ഇങ്ങനെ പറയും.....

<3 എന്‍റെ നാഥാ....ഞാനിതാ കടന്നു വന്നിരിക്കുന്നു.....നിന്നേ....കണ്ടു മുട്ടിയ ദിവസം മുതല്‍ ഞാനെത്ര സന്തോഷവാനാണ്.....അന്നുമുതല്‍ നമ്മുടെ സൗഹൃദം വളര്‍ന്നു .....നീ എന്‍റെ പാപങ്ങള്‍ ഏറ്റെടുത്തു....എനിക്ക് പ്രാര്‍ഥിക്കാന്‍ അധികം അറിഞ്ഞുകൂടാ.....ഞാന്‍ എന്നും നിന്നേ ഓര്‍ക്കും , എന്‍റെ യേശുവേ.....ഞാന്‍ ബെന്‍. കര്‍ത്താവേ ....ഞാന്‍ ഇപ്പോള്‍....പോകുന്നു.....<3

അദ്ധേഹത്തിന്‍റെ പ്രാര്ത്ഥന കേട്ടിട്ട് പാസ്റ്ററിന് വളരെ വിചിത്രമായി തോന്നി .

=D പാസ്റ്റര്‍ ബെന്നിനോട് പറഞ്ഞു...താങ്കള്‍ക്ക് എപ്പോള്‍ വേണമെങ്കിലും ഇവിടെ വന്നു പ്രാര്ഥിക്കാം ....അതിനു ശേഷം ബെന്‍ വേഗം തന്‍റെ ഫാക്ടറിയിലേക്ക് കടന്നു പോയി.....

ആ ബെന്നിനെപോലെ പാസ്റ്ററും പള്ളിയില്‍ മുട്ടുകുത്തി. അപ്പോള്‍ അത്രയും നാള്‍ പാസ്റ്റെര്‍ അനുഭവിച്ചിട്ടില്ലാത്ത അത്രയും വലിയ ദൈവസാന്നിദ്ധ്യം അവിടെ അനുഭവിച്ചു.തന്‍റെ ഹൃദയം അലിയുന്നതുപോലെയും ദൈവത്തിന്‍റെ ചൂടേറിയ സ്നേഹം തന്നിലേക്ക് കടന്നു വരുന്നത് പോലെയും യേശു തന്‍റെ മുന്‍പില്‍ വന്നു നില്ക്കുന്നത് പോലെയും അനുഭവപെട്ടു....പാസ്റ്ററിന്‍റെ രണ്ടു കണ്ണുകളും നിറഞ്ഞു ഒഴുകി.അതിനു ശേഷം ഈ പാസ്റ്ററും ബെന്‍ പറഞ്ഞ ആ പ്രാര്ത്ഥന അവിടെ ഇരുന്നു പ്രാര്ഥി ച്ചു.....

<3 എന്‍റെ നാഥാ....ഞാനിതാ കടന്നു വന്നിരിക്കുന്നു.....നിന്നേ....കണ്ടു മുട്ടിയ ദിവസം മുതല്‍ ഞാനെത്ര സന്തോഷവാനാണ്.....അന്നുമുതല്‍ നമ്മുടെ സൗഹൃദം വളര്ന്നു.....നീ എന്‍റെപാപങ്ങള്‍ ഏറ്റെടുത്തു....എനിക്ക് പ്രാര്ഥിക്കാന്‍ അധികം അറിഞ്ഞുകൂടാ.....ഞാന്‍ എന്നും നിന്നേ ഓര്‍ക്കും , എന്‍റെ യേശുവേ.....ഞാന്‍ പാസ്റ്റര്‍ <3

തുടര്‍ന്നുള്ള ദിവസങ്ങളില്‍ അതേ.....സമയത്ത് പാസ്റ്റര്‍ പള്ളിയില്‍ പോയി പ്രാര്‍ഥിക്കുവാന്‍ ഇരുന്നിട്ടും ബെന്നിനെ കാണുവാന്‍ സാധിച്ചില്ലാ.....പാസ്റ്ററിന് വിഷമം ആയി.

ബെന്നിന് എന്ത് പറ്റി എന്നാ ചിന്തയുമായി പാസ്റ്റര്‍ ദൂരെയുള്ള ഫാക്ടറിയില്‍ പോയി അന്വഷിച്ചു.

അപ്പോള്‍ അറിഞ്ഞത് ബെന്‍ ഒരു രോഗത്താല്‍ ആശുപത്രിയില്‍ അഡ്മിറ്റ്‌ ആണെന്നാണ്‌.
ബെന്‍ അഡ്മിറ്റ്‌ ആയപ്പോള്‍ മുതല്‍ ആശുപതിയില്‍ വലിയമാറ്റങ്ങള്‍ അനുഭവപെടുവാന്‍ തുടങ്ങി.....അവിടെ ജോലി ചെയ്യുന്ന എല്ലാവര്ക്കും പതിവില്ലാത്ത ഒരു സന്തോഷവും സമാധാനവും തോന്നി.ബെന്നിനോട് എല്ലാവര്ക്കും ഭയങ്കരസ്നേഹമായിരുന്നു....അവിടുത്തെ Head Nurse നു രോഗിയായ ബെന്നിന്‍റെ മുഖത്തെ സന്തോഷം കണ്ടു വിസ്മയിച്ചു.....കാരണം ബെന്നിനെ കാണുവാന്‍ ആരും വരുന്നില്ലാ....ആരും അവനു ഭക്ഷണം കൊണ്ടുകൊടുക്കുന്നില്ലാ .....ആരും അവനു പൂക്കള്‍ സമ്മാനിക്കുന്നില്ലാ....എന്നിട്ടും ബെന്‍ ഭയങ്കര സന്തോഷവാനാണ്.

അങ്ങനെഇരിക്കെ ......പാസ്റ്റര്‍ ബെന്നിനെ കാണുവാനായി ആശുപത്രിയില്‍ എത്തി.

നേഴ്സുമ്മാരോട് ചോദിച്ചു ബെന്‍ എങ്ങനെ ഇരിക്കുന്നു എന്ന്.അപ്പോള്‍ അവര്‍ പറഞ്ഞു അദ്ദേഹത്തിനു ആരുമില്ലാ.....ആരും ഇതുവരെയും അദ്ദേഹത്തെ കാണുവാന്‍ വന്നിട്ടില്ലാ....എന്നാലും അദ്ദേഹം വളരെ സന്തോഷവാനാനെന്നും മറ്റും.

അത് കേട്ട് വളരെ സന്തോഷത്തോടെ ബെന്‍ ചിരിച്ചുകൊണ്ട് പറഞ്ഞു....നേഴ്സു പറയുന്നത് ശരിയല്ലാ.... എന്നും എന്‍റെ സുഹൃത്ത്‌ എന്നെ കാണാന്‍ വരുന്നുണ്ട്. ഞാനെപ്പോഴും കാണുന്നുണ്ട് ഒരുപക്ഷെ അവര്‍ കാണുന്നില്ലയിരിക്കാം അവന്‍ എന്നും എപ്പോഴും എന്‍റെ കൂടെ ഉണ്ടായിരുന്നു....

വീണ്ടും ബെന്‍ വാചാലനായി പാസ്റ്ററിനോട് പറഞ്ഞു.....എല്ലാ ദിവസവും ഉച്ച സമയത്ത് എന്‍റെ ആ നല്ല സുഹൃത്ത്‌ കടന്നു വരുമായിരുന്നു.... അവനെന്‍റെ വലത്തു ഭാഗത്തിരുന്നു എന്‍റെ കയ്യെടുത്ത് അവന്‍റെ കയ്യില്‍ വെച്ചുകൊണ്ട് എന്നിലേക്ക്‌ ചാഞ്ഞു എന്‍റെ മുഖത്തേക്ക് നോക്കി ഇങ്ങനെ പറയുമായിരുന്നു....

<3 ഞാനിതാ വന്നിരിക്കുന്നു....ഞാനൊന്ന് മാത്രം പറയാം നമ്മള്‍ തമ്മില്‍ സൗഹൃദം സ്ഥാപിച്ചതില്‍ ഞാനെത്ര അധികം സന്തോഷവാനാണെന്നോ....ഞാന്‍ നിന്‍റെ പാപങ്ങളെ വഹിച്ചു....ഞാന്‍ നിന്നേ എപ്പോഴും ഓര്‍ക്കും . നിന്‍റെ പ്രാര്ത്ഥന കേള്‍ക്കുവാന്‍ എനിക്ക് ഒത്തിരി ഇഷ്ടം ആണ്.അതേ....ബെന്‍.....
ഞാന്‍ യേശു .... നിന്‍റെ സുഹൃത്ത്‌ . ഞാനെപ്പോഴും നിന്‍റെ കൂടെ ഉണ്ട്. <3

പ്രീയപെട്ടവരെ ഈ കഥ നിങ്ങള്‍ക്ക് അനുഗ്രഹമായെങ്കില്‍ നിങ്ങളും യേശുവും ആയിട്ടുള്ള സുഹൃത്ബന്ധം ഇതേപോലെ തുടരുക. അനേകര്‍ നമ്മുടെ ജീവിതത്തില്‍ കടന്നു വരികയും പോകുകയും ചെയ്യും എന്നാല്‍ അവര്‍ എന്നും നമ്മോടു ഒപ്പം ഉണ്ടാകണമെന്നില്ലാ....നമ്മുടെ അരുമനാഥനായ ആ നല്ല സ്നേഹിതന്‍ നമ്മളെ ഒരിക്കലും കൈവിടുകയില്ലാ...നമ്മുടെ പ്രതികൂല സമയത്ത് അവന്‍ നമ്മുടെ കൂടെ നിന്ന് നമ്മുക്ക് വേണ്ടതെല്ലാം ചെയിതു തരും. ഇനി ഈ യേശു ആകട്ടെ..... നിങ്ങളുടെ നല്ല സുഹൃത്ത്‌.

ദൈവം നമ്മുടെ ഹൃദയത്തെ..അറിയുന്നൂ....അവനെ സധാസമയം ഓര്‍ക്കുന്നത് തന്നെ ആണ് നമ്മുടെ ഏറ്റവും വലിയ പ്രാര്‍ത്ഥന . ബെന്‍ പ്രാര്‍ഥി്ച്ചതുപോലെയുള്ള ഒരു ചെറിയ പ്രാര്‍ത്ഥന മതി നിങ്ങളുടെ ജീവിതം മാറ്റിമറിക്കുവാന്‍ ....ആമേന്‍.

ദൈവം നമ്മേ ഓരോരുത്തരെയും അനുഗ്രഹിക്കുമാറാകട്ടെ.....
സ്നേഹത്തോടെ.....
നിങ്ങളുടെ
സുമാ സജി.